Në një deklaratë të tij mbi rezultatin e zgjedhjeve Amerikane, Sekretari i Përgjithshëm i Komitetit Qendror të Partisë Komuniste të Greqisë (KKE), Dhimitri Kucubas, tha:

«Qeverisja reaksionare e Trump-it edhe pse ka humbur zgjedhjet në SHBA, ajo që është e sigurt është se politika që i shërben interesave të klasës sunduese të SHBA-ve dhe imperializmit amerikan të etur për gjak, nuk ka humbur në përgjithësi.

Shumë shpejt, ata që kultivojnë shpresa të kota -edhe këtu në Greqi-, se përmes këtij rrotacioni mund të ketë një ndryshim rrënjësor të politikës si ndaj popullit amerikan ashtu dhe në politikën e jashtme të SHBA-ve, do të përgënjeshtrohen.

Mbi të gjitha, janë ende të freskëta kujtimet për Presidentët "demokratë" të SHBA-ve, të cilët kryen luftëra dhe ndërhyrje në Jugosllavi, në Lindjen e Mesme, etj., shpërbënë shtete, gjakosën popujt dhe, gjithashtu, sulmuan edhe të drejtat e punonjësve në SHBA, përdorën autoritarizmin dhe shtypjen.

Pra, vlerësimet që dëgjohen nga qeveritarë dhe qarqet e tjera politike në Greqi, se Presidenca e Biden gjoja mund të funksionojë pozitivisht në marrëdhëniet Greko – Turke, janë çorientuese dhe të rrezikshme. Angazhimi i Presidentit të ri të SHBA-ve për kohezionin e NATO-s nuk është faktor sigurie, por faktori "numër 1" i rrezikut për popujt e rajonit dhe të drejtat sovrane të Greqisë.

 Si rrjedhojë, kundërshtimi popullor ndaj imperializmit amerikan dhe solidariteti ndërkombëtar ndaj popullit amerikan dhe ndaj popujve të tjerë, sot është po aq i rëndësishëm dhe madje edhe më i domosdoshëm.»

8/11/2020